ವೃದ್ಧಾಪ್ಯ

ದಿನಕಳೆದಂತೆ ಅನಿಸುತಿದೆ ತಾಯಿಗೆ

ತನಗೀಗ ವಯಸ್ಸಾಗಿದೆ.

ದಿನಕಳೆದಂತೆ ಅನಿಸುತಿದೆ ತಂದೆಗೆ

ಈ ಬದುಕು ಸಾಕಾಗಿದೆ.

ಹಿಂದೊಮ್ಮೆ ಏನೆಲ್ಲಾ ಮಾಡುತ್ತಿದ್ದೆ

ಎಲ್ಲಾ ಒಬ್ಬಳೇ ನಿಭಾಯಿಸುತ್ತಿದ್ದೆ

ಇಂದು  ಸಹಾಯಬೇಡಬೇಕಾಯ್ತೇ ?

ಎಂದು ತಾಯಿಯ  ಚಿಂತೆ .

ವರ್ಷಗಟ್ಟಲೆ  ದುಡಿದು ದುಡಿದು

ಮನೆಯ ಊರುಗೋಲಾಗಿದ್ದವನಿಗೆ

ಇತ್ತೀಚಿನ ದಿನಗಳಲ್ಲಿ ಯಾಕೋ

ಊರುಗೋಲು ಅವಶ್ಯಕವಂತೆ !

ಮಕ್ಕಳು ಸಹಾಯ ಮಾಡಿದರೆ

ಇವರಿಗೆ ಪಡೆಯಲು ಸಂಕೋಚ.

ಸಂಕೋಚವೆಂದು ಮಾಡದೇ ಇರಲಿ,

ಮುಳುಗೇ ಹೋಯ್ತು  ಪ್ರಪಂಚ!!

ಇವರ ಭಾವನೆಯ ಅರ್ಥೈಸಲು

ಆಗದ ಮಕ್ಕಳು ದಿಕ್ಕೆಟ್ಟರು.

ಅಂದುಕೊಂಡರು ಇವರು

ನಮಗಿವರು ಚಟ್ಟವನ್ನೂ ಕಟ್ಟರು !

ಬೇಡ ಬೇಡವೆಂದರೂ

ತಡೆಯಲಾಗದು ವೃದ್ಧಾಪ್ಯ,

ಬಾಲ್ಯ ಯೌವನವಾದಮೇಲೆ

ಬರಲೇಬೇಕು ವಾರ್ಧಕ್ಯ !